REGİONLAR


“Heydər Əliyev və Azərbaycanın kənd təsərrüfatı” adlı respublika elmi-praktik konfransı keçirilib

Gəncə, 6 may, Elcan Məmmədov, AZƏRTAC

Azərbaycan Dövlət Aqrar Universitetində (ADAU) ümummilli lider Heydər Əliyevin anadan olmasının 99-cu ildönümünə həsr olunan “Heydər Əliyev və Azərbaycanın kənd təsərrüfatı” adlı respublika elmi-praktik konfransı keçirilib.

AZƏRTAC-ın bölgə müxbiri xəbər verir ki, əvvəlcə ümummilli lider Heydər Əliyevin və torpaqlarımızın azadlığı uğrunda canlarından keçən şəhidlərin əziz xatirəsi yad olunub.

Konfransda ADAU-nun rektoru, AMEA-nın müxbir üzvü, professor İbrahim Cəfərov, Türkiyənin EGE Universitetinin bir qrup alimi, universitetin professor-müəllim heyəti və tələbələri, həmçinin respublikanın müxtəlif universitetlərindən olan məruzəçilər iştirak ediblər.

Konfransı açan İbrahim Cəfərov iştirakçıları salamlayaraq, konfransın məqsədi, proqramı barədə qısa məlumat verib. Ulu öndər Heydər Əliyevin respublikamızda kənd təsərrüfatının inkişafı istiqamətindəki əvəzedilməz fəaliyyətindən bəhs edən rektor bildirib ki, bu siyasət dövlət başçısı İlham Əliyev tərəfindən ölkəmizin bütün sahələrində, o cümlədən aqrar sahədə də uğurla davam etdirilir.

Sonra konfrans aqrar sahədə mövcud aktual problemlərə dair təqdimatlarla davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.