DÜNYA


Himalay dağlarında buzlaqlar sürətlə əriyir

Bakı,21 yanvar, AZƏRTAC

Böyük Britaniyanın bir neçə universiteti alimlərin Himalay dağlarında buzlaqların əriməsi ilə bağlı həyəcanverici nəticələr doğuran araşdırmalarını təqdim edib.

AZƏRTAC xarici KİV-ə istinadla xəbər verir ki, araşdırmaların nəticələrinə görə, Himalay dağlarında buzlaqların ərimə sürəti əvvəlki yeddi yüzilliklə müqayisədə son dörd onillikdə 10 dəfə artıb.

Qeyd edək ki, Himalay “üçüncü qütb” adlanır: bu dağ silsiləsi Antarktida və Arktikadan sonra dünyada üçüncü ən böyük buz qatına malikdir. Bu bölgələrin hər ikisi kimi, Himalay da iqlim dəyişikliyinin təsirinə məruz qalır. Kiçik Buz Dövrünün başlanmasından (XIV əsr) ötən 700 il ərzində Himalay buzlaqları ərazisinin təxminən 40 faizini itirib.

Buz örtüyünün nazikləşmə sürəti son illərdə daha da artıb. Ən sürətli buz itkisi Şərqi Nepal və Butanda müşahidə olunur. Alimlər artıq xəbərdarlıq edirlər ki, əriyən buzlaqlar Cənubi Asiyada milyonlarla insanın taleyini həll edəcək kənd təsərrüfatını və əkin sahələrinin su təchizatını təhlükə altına alır. Uzunmüddətli perspektivdə isə proses dəniz səviyyəsinin qalxması ilə nəticələnə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.