DÜNYA


Hindistanda An-32 təyyarəsinin qəzaya uğradığı yerdə sağ qalan tapılmayıb

Bakı, 13 iyun, AZƏRTAC

Hindistan Hərbi Hava Qüvvələrinin axtarış qrupu An-32 təyyarəsinin qəzaya uğradığı Arunaçal-Pradeş ştatının şimal-şərqindəki dağlarda sağ qalanların olmadığını bildirib.

AZƏRTAC ANI informasiya agentliyinə istinadla xəbər verir ki, axtarış qrupu təyyarənin qəzaya uğradığı yerə iyunun 13-də səhər saatlarında çatıb.

İtən An-32 hərbi-nəqliyyat təyyarəsinin qalıqları iyunun 11-də Lipo yaşayış məntəqəsindən 16 kilometr şimalda dəniz səviyyəsindən 3,5 min kilometr hündürlükdə aşkarlanmışdı.

Xatırladaq ki, Assam ştatının Corhat şəhər aeroportundan havaya qalxaraq ölkənin şimal-şərqində yerləşən Arunaçal-Pradeş ştatına uçan Hindistan Hərbi Hava Qüvvələrinə məxsus An-32 hərbi-nəqliyyat təyyarəsi iyunun 3-də yerli vaxtla saat 12:25-də radarlardan itib. Təyyarə havaya qalxdıqdan 35 dəqiqə sonra dispetçerlə sonuncu dəfə əlaqə saxlayıb. İnsident zamanı təyyarənin göyərtəsində 13 nəfər - səkkiz ekipaj üzvü və beş sərnişin olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.