DÜNYA


Hindistanda avtobus dərəyə aşıb, azı 11 nəfər həlak olub

Bakı, 8 dekabr, AZƏRTAC

Dekabrın 8-də səhər saatlarında Hindistanın Cammu və Kəşmir ştatında Loran yaşayış məntəqəsindən Punç şəhərinə gedən avtobus yoldan çıxaraq dərəyə aşıb.

AZƏRTAC istinadla xəbər verir ki, “Greater Kashmir” qəzetinin yaydığı məlumata görə, yol-nəqliyyat hadisəsi nəticəsində azı 11 nəfər həlak olub, 19 nəfər isə müxtəlif dərəcəli xəsarətlər alıb. Yaralıların 5-nin vəziyyəti ağır qiymətləndirilir.

Qeyd edək ki, avtomobil yollarında sıxlıq, yol örtüyünün vəziyyətinin pis olması və sürücülərin intizamsızlığı Hindistanda ağır yol- nəqliyyat hadisələri ilə müşayiət olunur. Rəsmi məlumata əsasən, hər gün qəzalar nəticəsində ölkədə 400 nəfərə qədər, il ərzində isə təxminən 150 min insan həyatını itirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.