DÜNYA


Hindistanda avtobus qəzası: 32 nəfər ölüb, 30 sərnişinin taleyi məlum deyil VİDEO

Bakı, 11 sentyabr, AZƏRTAC

Hindistanın cənubunda yerləşən Telinqana ştatında zəvvarları daşıyan avtobusun dərəyə yuvarlanması nəticəsində azı 32 nəfər həlak olub.

AZƏRTAC xəbər verir ki, “Times of India” qəzetinin yerli hakimiyyət orqanlarına istinadla yaydığı məlumata görə, avtobus sentyabrın 11-də səhər saatlarında Caqtyal dairəsində qəzaya uğrayıb. İçərisində 62 zəvvar olan avtobus dağ aşırımı ilə məşhur Kondaqattu məbədinə gedirmiş. Ehtimal edilir ki, sürücü idarəetməni itirib və avtobus 4 dəfə aşaraq uçuruma düşüb.

Hazırda hadisənin baş verdiyi ərazidə xilasetmə əməliyyatı aparılır. 30-a yaxın sərnişinin taleyi məlum deyil.

Avtomobil yollarında sıxlıq, yol örtüyünün pis vəziyyətdə olması və sürücülərin intizamsızlığı Hindistanda ağır yol-nəqliyyat hadisələri ilə müşayiət olunur. Rəsmi məlumata əsasən, hər gün qəzalar nəticəsində ölkədə 400 nəfərə qədər, il ərzində isə təxminən 150 min insan həyatını itirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.