DÜNYA


Hindistanda daşqınlar nəticəsində ölənlərin sayı 70 nəfəri ötüb

Bakı, 20 iyun, AZƏRTAC

Hindistanın şimal-şərq hissəsində, əsasən də Assam ştatında leysan yağışların səbəb olduğu daşqınlar nəticəsində ən azı 71 nəfər həlak olub.

AZƏRTAC Hindistan mediasına istinadla xəbər verir ki, bu barədə məlumat Təbii Fəlakətlərlə Mübarizə idarəsinin bülletenində yer alıb. Ştatların regional administrasiyalarının son məlumatına görə, təbii fəlakətdən zərər çəkənlərin sayı 4,2 milyon nəfəri ötüb.

Ötən həftə Hindistanın şimal-şərqində başlayan güclü musson yağışları Brahmaputra çayının məcrasından çıxması ilə nəticələnib. Daşqınlardan ən çox Assam və Meqhalaya ştatları zərər çəkib. Regionda 5 min 137 kənd su altında qalıb, 107 min 370 hektar əkin sahəsinə zərər dəyib.

Meteoroloqlar ölkənin şimal-şərq ştatlarında güclü musson yağışlarının yaxın 48 saat ərzində də davam edəcəyini proqnozlaşdırırlar.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.