DÜNYA


Hindistanda məktəbdə baş vermiş partlayış nəticəsində ən azı 12 şagird yaralanıb

Bakı, 13 fevral, AZƏRTAC

Hindistanın Kəşmir əyalətinin cənubundakı Pulvama rayonunda orta məktəb binasında baş vermiş partlayış nəticəsində ən azı 12 şagird yaralanıb.

AZƏRTAC ANI informasiya agentliyinə istinadla xəbər verir ki, müsəlmanların yaşadığı Narbal şəhərindəki “Fələh-i-Milli” adlı özəl məktəbdə yaralanan şagirdlərin hamısı eyni – 10-cu sinif şagirdləridir. Yaralıların yeddisi yaxınlıqdakı Şrinaqal xəstəxanasına çatdırılıb və onların vəziyyətinin ağır olduğu bildirilir.

Məktəbin müəllimi Cavad Əhməd ANI agentliyinə bildirib ki, onun dərs dediyi sinifdə baş vermiş partlayışın səbəbi məlum deyil. Onun sözlərinə görə, xəsarət almış şagirdlərin sayında da artım olması mümkündür. Hazırda əyalət polisi insidentin baş vermə səbəbini aydınlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.