DÜNYA


Hindistanda qayıq qəzasında ölənlərin sayı 9-a çatıb

Bakı, 3 yanvar, AZƏRTAC

Hindistanın Odişa ştatında baş verən qayıq qəzasında ən azı 9 nəfər ölüb, bir neçə nəfər itkin düşüb.

AZƏRTAC Hindistan KİV-lərinə istinadla xəbər verir ki, yanvarın 2-də əsasən uşaq və yeniyetmələrdən ibarət təxminən 55 nəfərin olduğu balıqçı qayığı Mahanadi çayında batıb. Yerli sakinlər köməyə gələrək xeyli adamı xilas edə biliblər. Hadisədən bir qədər sonra 2 qadının cəsədi tapılıb.

Yanvarın 3-də tapılan yeddi cəsəd isə 8-17 yaş arasındakı şəxslərə aiddir. Güman olunur ki, suda 6 yaşlı qızın və digərlərinin də cəsədləri var.

Hazırda axtarış işləri davam edir. Polis qayıqçını saxlayıb. Şahidlərin sözlərinə görə, qayıqda xilasedici jiletlər olmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.