Horadiz-Ağbənd dəmir yolu istiqamətində infrastruktur işlərinə başlanılıb

Bakı, 18 may, AZƏRTAC

İşğaldan azad olunmuş rayonlar üzrə hazırda Horadiz-Ağbənd dəmir yolu istiqamətində infrastruktur işlərinə başlanılıb.

AZƏRTAC xəbər verir ki, bu barədə “Azərbaycan Dəmir Yolları” QSC-nin mətbuat xidmətinin rəhbəri Natəvan Bayramova deyib.

O bildirib ki, işlərin Horadiz-Ağbənd, Bərdə-Ağdam istiqamətlərində həyata keçirilməsi nəzərdə tutulub. İşğaldan azad edilən ərazilərdə uzun müddət düşmən tərəfindən vandalizm aktları törədilib. Bu səbəbdən həmin ərazilərdə dəmir yolu yatağının olub-olmaması və digər məsələlərlə bağlı araşdırmalar aparılır.