DÜNYA


“Huawei” 2021-ci ildə özünün hazırladığı əməliyyat sistemli smartfonlar buraxacaq

Bakı, 10 sentyabr, AZƏRTAC

Çinin “Huawei” telekommunikasiya kompaniyası hazırladığı “Harmony 2.0” əməliyyat sisteminin yenilənmiş versiyasını təqdim edib.

AZƏRTAC Çin KİV-lərinə istinadla xəbər verir ki, kompaniyanın istehlak sektoru üzrə icraçı direktoru Yuy Çendun gələn il yenilənmiş əməliyyat sistemli smartfonların istehsalının başlayacağı barədə məlumat verib.

“Huawei” gələn il “Harmony 2.0” əməliyyat sistemli smartfon istehsal etmək niyyətindədir”, - deyə o, Çinin cənubunda yerləşən Quandun əyalətində keçirilən təqdimat mərasimində bildirib.

Qeyd edək ki, 1987-ci ildə əsası qoyulan “Huawei” kompaniyası telekommunikasiya avadanlıqları, həmçinin istehlak qurğuları və smartfonların istehsalı ilə məşğul olur. Kompaniya dünyanın 170-dən çox ölkəsinə məhsul ixrac edir və xidmət göstərir. 2019-cu ildə onun satış gəliri 122 milyard dolları ötüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.