DÜNYA


Hulusi Akar: 15 iyul dövlət çevrilişi cəhdindən sonra 18 minədək hərbçi vəzifədən azad edilib

İstanbul, 21 noyabr, AZƏRTAC

2016-cı il iyulun 15-dən etibarən Türk Silahlı Qüvvələrinin FETÖ terror təşkilatı ilə əməkdaşlıqda şübhəli bilinən 17 min 866 hərbçisi vəzifəsindən azad edilib. Onlardan 150-si general və admiraldır.

AZƏRTAC xəbər verir ki, bu barədə Türkiyənin Milli Müdafiə naziri Hulusi Akar məlumat verib.

Türkiyə Silahlı Qüvvələrinin həyata keçirdiyi “Sülh çeşməsi” əməliyyatından danışan nazir bildirib ki, hərbi əməliyyatlar zamanı beynəlxalq müqavilələrlə qadağan edilmiş heç bir hərbi sursat və ya kimyəvi silahdan istifadə edilməyib. Əməliyyat nəticəsində Suriyanın 4300 kvadratkilometrlik ərazisi, o cümlədən 600 yaşayış bölgəsi nəzarət altına alınıb. “Sülh çeşməsi” əməliyyatının keçirildiyi gündən indiyədək təxminən 1200 terrorçu zərərsizləşdirilib.

İraqın şimalında keçirilən “Pəncə” əməliyyatı barədə məlumat verən H.Akar deyib ki, əməliyyat zamanı 158 terrorçu məhv edilib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.