CƏMİYYƏT


Hüquqşünasların Beynəlxalq Komissiyası Azərbaycanda vəkilliyin inkişafında maraqlıdır

Bakı, 14 noyabr, AZƏRTAC 

Hüquqşünasların Beynəlxalq Komissiyasının (ICJ) baş katibi Saman Zarifinin rəhbərlik etdiyi nümayəndə heyəti noyabrın 14-də Vəkillər Kollegiyasının Rəyasət Heyətində olub.

Vəkillər Kollegiyasından AZƏRTAC-a bildiriblər ki, görüşdə qonaqlara son dövrdə kollegiya tərəfindən görülmüş işlər barədə ətraflı məlumat verilib.

A.Bağırov noyabrın 15-16-da Bakıda keçiriləcək “Vəkillərin rolu və müstəqilliyi: müqayisəli perspektivlər” mövzusunda kollegiyanın və Avropa Şurası ilə birgə reallaşdırılacaq konfransın təşkilində dəstək verdiklərinə görə qurumun rəhbərliyinə təşəkkürünü bildirib.

Qonaq ICJ-nin Azərbaycanda vəkilliyin daha da inkişaf etdirilməsində və bu sahədə əməkdaşlıqda maraqlı olduğunu bildirib, qurumun fəaliyyəti barədə məlumat verib.

Görüşdə ICJ-nin əməkdaşları Ruaşin Pillay, Teymur Şakirov və Ülviyyə Həsənova da iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.