ELM VƏ TƏHSİL


Hüseyn Cavidin ev-muzeyinin qadın əməkdaşları təltif olunublar

Bakı, 5 mart, AZƏRTAC

Hüseyn Cavidin ev-muzeyində 8 mart – Beynəlxalq Qadınlar Günü münasibətilə tədbir keçirilib.

Bu barədə AZƏRTAC-a muzeydən məlumat verilib. Bildirilib ki, tədbirdə muzeyin direktoru, filologiya elmləri doktoru Gülbəniz Babaxanlı Azərbaycan tarixində qadınların elmi, ədəbi, ictimai-siyasi həyatdakı rolu haqqında ətraflı məlumat verib. Ölkəmizdə gender bərabərliyinin ən yüksək səviyyədə qorunduğunu, qızların təhsilinə və qadınların çoxşaxəli fəaliyyətinə heç bir əngəl olmadığını, əksinə, geniş imkanlar yaradıldığını vurğulayıb.

Sonra G.Babaxanlı Elmi fondlar şöbəsinin müdiri Cəmilə Rzayevaya və mütəxəssis Almaz Kərimovaya AMEA Humanitar və İctimai Elmlər Bölməsinin fəxri fərmanlarını təqdim edib.

Tədbirdə muzeyin əməkdaşları – Nailə Məmmədli, Mətanət Babayeva, Lalə Əliyeva, Fəridə Azadova, Elina Sadıqova, Nərmin Nərimanova məhsuldar fəaliyyətlərinə görə müəssisənin fəxri fərmanları ilə təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.