İDMAN


IAAF-ın sabiq prezidentinə korrupsiya ittihamı ilə dörd il həbs cəzası verilib

Bakı, 16 sentyabr, AZƏRTAC

Beynəlxalq Atletika Federasiyaları Assosiasiyasının (IAAF) sabiq prezidenti Lamine Diaka korrupsiya ittihamı ilə iki ili şərti olmaqla, dörd il həbs cəzası verilib.

AZƏRTAC xəbər verir ki, bu barədə AFP agentliyi məlumat yayıb.

Səksən yeddi yaşlı L.Diak 1999-cu ildən 2015-ci ilədək quruma rəhbərlik edib. O, aktiv və passiv korrupsiyada, etimaddan sui-istifadədə, cinayətkar dəstənin tərkibində çirkli pulların yuyulmasında ittiham edilir.

Fransa prokurorluğu rüşvətlərin ümumi məbləğinin 3,45 milyon avro olduğunu iddia edir. Seneqallı mütəxəssis, həmçinin Qətərdə 2019-cu ildə keçirilmiş atletika üzrə dünya çempionatı üçün ərizə kampaniyası zamanı korrupsiyada ittiham olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.