DÜNYA


İƏT-in Qadın İnkişaf Təşkilatının baş qərargahı Qahirədə yerləşəcək

Qahirə, 14 avqust, AZƏRTAC

İslam Əməkdaşlıq Təşkilatının (İƏT) Qadın İnkişaf Təşkilatının baş qərargahı Qahirədə yerləşəcək.

AZƏRTAC xəbər verir ki, bu barədə Misirin Xarici İşlər Nazirliyi məlumat yayıb.

Misir XİN-in məlumatında bildirilir ki, yeni formalaşmağa başlayan təşkilatın statusunu daha bir ölkə - Kamerun da tanıyıb. Beləliklə, təşkilata qoşulmaq istəyən dövlətlərin sayı 15-ə çatıb. Eyni zamanda, Misirin bu təşəbbüsə liderlik etməsi onu göstərir ki, rəsmi Qahirə İslam ölkələrində qadın hüquqlarının müdafiəsi, onların məşğulluğuna, dövlət orqanları və hökumət strukturlarında təmsilçiliyinə böyük əhəmiyyət verir.

Həmçinin qeyd olunub ki, artıq kifayət qədər üzvü olan Qadın İnkişaf Təşkilatı İƏT-in himayəsində fəaliyyət göstərmək üçün tələb edilən kvoruma malikdir. “İƏT-ə üzv olan ölkələrdə qadın haqlarının qorunması və onların milli, beynəlxalq proseslərdə iştirakına mühüm məsələ kimi baxılır. Bu təşkilat, həmçinin müxtəlif sahələrdə əməkdaşlığa da öz töhfəsini verəcək”, - deyə Misir XİN-in məlumatında vurğulanıb.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.