MƏDƏNİYYƏT
“İKİDİLLİLİYİN SUBYEKTİV TƏSİRLƏRİ” MÖVZUSUNDA MÜHAZİRƏ
AZƏRTAC xəbər verir ki, noyabrın 2-də Bakıdakı Fransa Mədəniyyət Mərkəzində “İkidilliliyin subyektiv təsirləri” mövzusunda mühazirə oxunmuşdur.
Fransanın ölkəmizdəki səfirliyinin mədəniyyət üzrə müşaviri İv Bertran Paris Psixatriya Klinikasının rəhbəri, psixoanalitik doktor Marsel Zermakın həyat və fəaliyyəti ilə iştirakçıları tanış etmişdir. M.Zermak mühazirəsində ikidilliliyin izahı, millətlərin, dillərin əlaqəsi, vahid dilə meyilliliyin yaranması, beynəlmiləl ailələrdə iki dildə danışıqlar və dillər arasında yaranan problemlər haqqında danışmışdır. Mühazirə Azərbaycan dilinə tərcümə olunmuşdur. M.Zermak iştirakçıları maraqlandıran suallara ətraflı cavab vermişdir.
Təbbirdə Fransanın Azərbaycandakı səfiri Rolan Blatman iştirak etmişdir.