ABŞ-ın ölkəmizdəki səfirliyi tərəfindən yaradılmış Bakı Təhsil Məlumat Mərkəzi bu il ilk dəfə olaraq Azərbaycanın ali təhsil ocaqlarının müəllimləri, elmi işçiləri üçün “Oxford Colleges Hospitality Scemen” adlı yeni proqram həyata keçirməyə başlamışdır.

Mərkəzdən AZƏRTAC-ın müxbirinə bildirmişlər ki, Açıq Cəmiyyət İnstitutu - Yardım Fondu (Soros) tərəfindən maliyyələşdirilən bu proqram əsasında keçirilmiş müsabiqədə iki elmi əməkdaşımız - Azərbaycan Dövlət İqtisad Universitetinin müəllimi Aida Quliyeva və Qərb Universitetinin psixologiya kafedrasının əməkdaşı Nigina Abaszadə qalib gəlmişlər. Onlar təmənnasız olaraq Böyük Britaniyanın Oksford Universitetində keçiriləcək bir aylıq təcrübə müddəti ərzində müxtəlif tədqiqatlar aparmaq, kitabxanalarda işləmək və mütəxəssislərlə görüşmək imkanına malik olacaqlar.