Hər halda, ABŞ alimləri belə iddia edirlər. AZƏRTAC-ın xarici informasiya agentliklərindən aldığı xəbərdə deyilir ki, onlar adi gildə bioloji həyatın baza elementləri olduğu barədə sensasiyalı kəşfin nəticələrini açıqlamışlar. Bununla da, insanın gildən yaradıldığı barədə Bibliyadakı məlum bir rəvayət yeni yozumda təqdim olunur. Bu variantı ən yeni elm də istisna etmir.

Hovard Hyuz Tibb İnstitutunun və Massaçusets ümumi hospitalının elmi qrupu tədqiqatlar apararaq, gildə insanın, eləcə də digər bioloji orqanizmlərin hüceyrələrinin membranlarını əmələ gətirən elementlər aşkara çıxarmışlar. Bu elementlər nəinki hüceyrələrin əmələ gəlməsində iştirak edir, həm də onların tərkibində orqanizmin genetik kodu – ribonuklein turşusu (RNT) var. Hazırda RNT bioloji həyatın başlıca əsası hesab edilir.