RƏSMİ SƏNƏDLƏR
İRAQ RESPUBLİKASININ PREZİDENTİ ZATİ-ALİLƏRİ CƏNAB CƏLAL HÜSAMƏDDİN ƏT-TƏLABANİYƏ
Hörmətli cənab Prezident,
Bağdad şəhərində əl-Əimmə körpüsündə çoxlu sayda zəvvarın faciəli şəkildə həlak olması xəbəri məni son dərəcə kədərləndirdi.
Baş vermiş bu ağır hadisə ilə əlaqədar dərdinizə şərik çıxır, Sizə, həlak olanların ailələrinə və yaxın adamlarına, bütün İraq xalqına şəxsən öz adımdan və Azərbaycan xalqı adından dərin hüznlə başsağlığı verirəm.
Allah rəhmət eləsin!
İlham Əliyev
Azərbaycan Respublikasının Prezidenti
Bakı, 1 sentyabr 2005-ci il.