CƏMİYYƏT


İSİM-də ÜST-nin və ABŞ-ın İnfeksiyalara Nəzarət Mərkəzinin nümayəndələri ilə görüş olub

İSİM-də ÜST-nin və ABŞ-ın İnfeksiyalara Nəzarət Mərkəzinin nümayəndələri ilə görüş olub

Bakı, 29 noyabr, AZƏRTAC

Səhiyyə Nazirliyi İctimai Səhiyyə və İslahatlar Mərkəzində (İSİM) Ümumdünya Səhiyyə Təşkilatının (ÜST) Avropa regional ofisinin, ABŞ-ın İnfeksiyalara Nəzarət Mərkəzinin (US CDC) nümayəndələri ilə görüş olub.

AZƏRTAC Səhiyyə Nazirliyinin rəsmi feysbuk səhifəsinə istinadla bildirir ki, görüşdə “COVID-19 xəstəliyinə qarşı peyvəndin effektivliyinin dəyərləndirilməsi” üzrə ölkədə keçirilən tədqiqatla bağlı fikir mübadiləsi aparılıb, layihə iştirakçıları ilə əldə edilən nəticələr müzakirə olunub.

Görüşdə tədqiqatın gedişatı barədə İSİM tərəfindən hazırlanan videoçarx təqdim olunub və tədbir iştirakçılarının sualları cavablandırılaraq geniş fikir mübadiləsi aparılıb.

Qeyd edək ki, ÜST-nin Avropa regional ofisinin və ABŞ-ın İnfeksiyalara Nəzarət Mərkəzinin nümayəndələrindən ibarət heyətin Azərbaycanda səfərdə olacağı müddətdə tədqiqatın aparıldığı bəzi xəstəxanalarda tibb işçiləri ilə görüşlər keçiriləcək, həmçinin tədqiqatın ilkin nəticələrinin bütün aidiyyəti tərəfdaşların iştirakı ilə geniş müzakirəsi və gələcək üçün tövsiyələrin hazırlanması məqsədilə dəyirmi masa təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.