İDMAN


“ISMA BIKES” velosiped brendinin ilk sərgi-satış mərkəzi istifadəyə verilib

Bakı, 14 noyabr, AZƏRTAC

Azərbaycanın ilk milli velosiped brendi “ISMA BIKES”ın “Qoşa çarx” adlı ilk sərgi-satış mərkəzi istifadəyə verilib.

AZƏRTAC xəbər verir ki, Bakı metrosunun “20 Yanvar” stansiyası yaxınlığında, Respublika Velotreki ərazisində açılan Mərkəzin fəaliyyətə başlaması velosiped həvəskarları tərəfindən böyük maraqla qarşılanıb.

Ötən il dövlətimizin başçısı İlham Əliyevin iştirakı ilə istifadəyə verilən İsmayıllı velosiped zavodunda “Made in Azerbaijan” brendi ilə həvəskar və peşəkar idmançılar, həmçinin uşaqlar üçün müxtəlif tipli velosipedlər istehsal edilir. İllik istehsal gücü 30 min velosiped olan zavod açılarkən üç model üzrə velosiped istehsalına başlayıb. Cəmi bir neçə ay ərzində mühəndis-konstruksiya işləri genişləndirilərərək modellərin sayı 50-yə çatdırılıb. Son üç ayda zavodda 5 minə yaxın velosiped istehsal edilib. İsmayıllı velosiped zavodu Azərbaycanın ən iri özəl investisiya şirkətlərindən biri olan “Synergy Group”un tərkibində fəaliyyət göstərir.

“Qoşa çarx” sərgi-satış mərkəzinin açılışında çıxış edən zavodun direktoru Elçin Qəhrəmanov bildirib ki, burada alıcılara təkcə velosipedlər deyil, həmçinin müxtəlif aksesuarlar, ehtiyat hissələri və servis xidmətləri də təklif olunur. Satılan bütün məhsullara bir illik zəmanət verilir.

Açılışda yerli radiostansiyalardan birində həyata keçirilən velomüsabiqənin qalibi olmuş Faiq İsgəndərova “Synergy Group” MMC-nin icraçı direktoru İsmayıl Süleymanov tərəfindən “ISMA SYNERGY” velosipedi təqdim edilib.

Bu cür mərkəzlərin ölkəmizin digər bölgələrində də açılması planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.