DÜNYA


İSPANİYANIN “REAL” FUTBOL KLUBUNA ALMANİYALI BAŞ MƏŞQÇİ TƏYİN OLUNMUŞDUR

AZƏRTAC-ın xüsusi müxbiri SİD idman məlumat agentliyinə istinadla xəbər verir ki, Almaniya millisinin sabiq oyunçusu Bernd Şuster Madridin “Real” futbol klubuna baş məşqçi təyin olunmuşdur.

B.Şuster “Real” klubunun tarixində ikinci almaniyalı baş məşqçidir. Ondan əvvəl 1997-1998-ci illərdə dünya şöhrətli klubu tanınmış almaniyalı futbol mütəxəssisi Yupp Haynkes çalışdırmışdır.

48 yaşlı Bernd Şuster “Real”a dəvətdən öncə İspaniyanın “Hetafe”, ”Levante”, Almaniyanın “Fortuna” (Köln) və Ukraynanın “Şaxtyor” (Donetsk) klublarına uğurla rəhbərlik etmişdir. Yeni baş məşqçi ”Real”ın oyun üslubu ilə yaxından tanışdır. Vaxtilə bu komandanın aparıcı oyunçularından biri kimi o, kollektivin tərkibində iki dəfə İspaniya çempionu olmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.