AZƏRTAC xəbər verir ki, futbol üzrə Çempionlar liqası və UEFA kuboku turnirlərinin finallarında çox maraqlı olacaq ispan və ingilis klublarının mücadiləsi gözlənilir.

Mayın 10-da Hollandiyanın Eyndhoven şəhərində İspaniyanın “Sevilya” və İngiltərənin “Middlsbro” klubları arasında UEFA kuboku, həmin ayın 17-də isə Fransanın paytaxtı Parisdə İspaniyanın “Barselona” və İngiltərənin “Arsenal” komandalarının Çempionlar liqasının qalibi adı uğrunda final görüşləri keçiriləcəkdir.

Əvvəllər də qeyd edildiyi kimi, mütəxəssislərin çoxu üstünlüyü daha təcrübəli və nüfuzlu heyətə, zəngin futbol tarixinə malik ispan klublarına verirlər. Lakin, hər şey keçiriləcək görüşlərdən sonra məlum olacaqdır.