İQTİSADİYYAT
“İSRAİL AHMADOV İNVESTMENT”MMC Kürdəmirdə üç müasir obyekt inşa edir
“İSRAİL AHMADOV İNVESTMENT” MMC şirkəti Kürdəmirdə üç müasir obyekt inşa edir. Layihələri “Memar 1” MMC şirkəti hazırlayıb.
Respublikamızda bütün sahələrdə olduğu kimi özəl sektorun inkişafı üçün çox məqsədyönlü tədbirlər həyata keçirilir. Bunların nəticəsidir ki, hazırda dövlət büdcəsinin formalaşmasında özəl sektorun rolu böyükdür.
Son zamanlar respublikamızda beynəlxalq standartlara uyğun daşıma xidmətlərinin, turizm və istirahət zonalarının təşkil olunması və kənd təsərrüfatı sahəsini inkişaf etdirmək üçün geniş islahatlar aparılır.
Kürdəmir rayonunda emal sənayesinin, xidmət və digər infrastruktur obyektlərinin yaradılması, turizmin inkişafının təmin edilməsi məqsədilə rayonun Karrar qəsəbəsindən keçən İpək Yolunun kənarında beynəlxalq standartlara uyğun müasir tipli "Kürdəmir Logistik Mərkəzi"nin ,"Kənd Təsərrüfatı Yarmarkası"nın və "Turizm və əyləncə mərkəzi"nin tikintisi nəzərdə tutulub.
Məlumat üçün bildiririk ki, "Kürdəmir Logistik Mərkəzi"ndə 10 min kvadratmetr qapalı anbar, 15 min kvadratmetr açıq anbar, 15 min kvadratmetr 2 seksiyalı soyuducu anbar , 60 min kvadratmetr TIR parkı, 2 ədəd yanacaqdoldurma mərkəzi 2 ədəd avtoyuma obyekti, "Kənd Təsərrüfatı Yarmarkası"nda 60 min kvadratmetr istixana kompleksi ,12 min kvadratmetr kənd təsərrüfatı yarmarkası, 3,6 min kvadratmetr yaşıl market, 5,0 min kvadratmetr ticarət obyekti, "Turizm və Əyləncə Mərkəzi"ndə 4.5 min kvadratmetr sahəsi olan 4 mərtəbəli 3 ulduzlu hotel, 1,0 min kvadratmetr sahəsi olan 200 yerlik açıq restoran, 0,64 min kvadratmetr sahəsi olan 200 yerlik şadlıq sarayı, 1,5 min kvadratmetr sahədə 26 istirahət guşəsi, 0,2 min kvadratmetr sahədə un məmulatları sexi, 0,86 min kvadratmetr sahədə uşaq əyləncə mərkəzi, 1,0 min kvadratmetr sahədə su hovuzu, 4 min kvadratmetr sahədə meyvə bağı, 40.000 kvadratmetr Akvapark 20.000 kvadratmetr balıqçılıq təsərrüfatı salınması nəzərdə tutulub.
Tikintisi nəzərdə tutulmuş hər üç layihə üzrə ümumilikdə smeta dəyəri 71.000.000 (yetmiş bir milyon) AZN və 42.000 000 (qırx iki milyon) ABŞ dolları olmaqla tikinti işlərinə 16.10.2017-ci il tarixindən başlayaraq 18.10.2019-cu il tarixində başa çatdırılması nəzərdə tutulub.
Rayonda məşğulluq səviyyəsinin yüksəldilməsi və işsizliyin aradan qaldırılması istiqamətində qeyd olunan obyektlərin tikintisi zamanı 150-200 nəfər vətəndaşın müvəqqəti tikinti işlərinə cəlb olunması və tikinti işləri başa çatdıqdan sonra 255-300 nəfər vətəndaşın daimi işlə təmin olunması nəzərdə tutulub.
Yuxarıda qeyd olunanları nəzərə alaraq "Kürdəmir Logistik Mərkəzi"nin ,"Kənd Təsərrüfatı Yarmarkası"nın və "Turizm və Əyləncə Mərkəzi"nin tikintisi üçün Kürdəmir rayonunun Karrar qəsəbəsi yaxınlığında İpək Yolunun kənarında ümumilikdə 46 hektar torpaq sahəsinin ayrılması nəzərdə tutulub.