MƏDƏNİYYƏT


İSRAİL AZƏRBAYCAN İLƏ TURİZM SAHƏSİNDƏ ƏMƏKDAŞLIQDA MARAQLIDIR

Təl-Əviv, 5 may (AZƏRTAC). Xüsusi müxbirimiz xəbər verir ki, İsraildə səfərdə olan Azərbaycan Respublikası Diasporla İş üzrə Dövlət Komitəsinin sədri Nazim İbrahimov mayın 5-də bu ölkənin turizm naziri Stas Misejnikov ilə görüşmüşdür.

Görüşdə Azərbaycanda mövcud olan tolerantlıqdan, Azərbaycan və yəhudi xalqları arasındakı dostluq münasibətlərinin tarixi köklərindən danışılmış, əlaqələrimizin belə yüksək səviyyəyə çatmasında dövlətlərimizin başçılarının rolu xüsusi qeyd olunmuşdur. Nazir S.Misejnikov ölkəmizdəki tolerantlığı, azsaylı xalqların nümayəndələri üçün yaradılmış imkanları, Azərbaycanın müxtəlif bölgələrində yaşayan yəhudilərin həyat şəraitinin yaxşılaşdırılması istiqamətində atılan addımları yüksək qiymətləndirmişdir.

Görüşdə, həmçinin ölkələrimizin turizm potensialı ətrafında fikir mübadiləsi aparılmışdır. Stas Misejnikov Azərbaycanın turizm imkanları ilə maraqlanmış, İsrailin bu sahədə ölkəmiz ilə əməkdaşlıqda maraqlı olduğunu bildirmişdir.

Nazim İbrahimov Azərbaycanın geniş turizm potensialı barədə ətraflı məlumat vermiş, ölkəmizin bu səhədə İsraillə əməkdaşlıq etməyə hazır olduğunu qeyd etmişdir.

Sonda Azərbaycanın turizm potensialı ilə yaxından tanış olmaq məqsədi ilə İsrailin turizm nazirinin bu ilin iyulunda ölkəmizə nəzərdə tutulan səfəri ilə bağlı ilkin razılıq əldə olunmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.