AZƏRTAC-ın Ankaradan aldığı xəbərdə deyilir ki, avqustun 10-da İstanbulda törədilmiş partlayışlara görə məsuliyyəti “Əl-Qaidə” beynəlxalq terror şəbəkəsi ilə bağlı olan qruplaşma öz üzərinə götürmüşdür. “Əbu Hafs əl-Məsrinin briqadaları” təşkilatının İnternetdəki islam səhifələrindən birində verilmiş bəyanatında bildirilir ki, “yeni terror əməlləri olacaqdır”.

Terrorçuların bəyanatında vurğulanır ki, “Briqadalar” şeyximiz (Üsəma bin Laden nəzərdə tutulur) tərəfindən təklif olunmuş barışığı rədd edən Avropa ölkələrinə qarşı əməliyyatlar seriyasından birincisini keçirmişlər.

Xəbər verildiyi kimi, İstanbulun iki mehmanxanasında və qazdoldurma stansiyasında terror aktları nəticəsində 2 nəfər həlak olmuş və 10-dan çox adam yaralanmışdır.