Beynəlxalq Əmək Təşkilatı və Türkiyə İşverən Sendikaları Konfederasiyası İstanbulda “Kollektiv müqavilələrin bağlanması” mövzusunda seminar keçirmişlər.

Seminarda Azərbaycan Sahibkarlar (İşəgötürənlər) Təşkilatları Milli Konfederasiyasının nümayəndə heyəti də iştirak etmişdir.

Konfederasiyadan bildirmişlər ki, seminarda “Kollektiv əmək müqavilələri sisteminin inkişafı”, “Türkiyədə sendikaçılıq, sənaye əlaqələri sistemi”, “Türkiyədə kollektiv əmək müqavilələrinin bağlanılmasının əsasları”, “Avropa Birliyi siyasəti və Türkiyə” və başqa mövzularda məruzələr dinlənilmişdir. Sonra müzakirələr aparılmış və seminar iştirakçılarının suallarına cavab verilmişdir.