İTALİYADA AZARKEŞLƏRİ STADİONLARA BURAXMAYACAQLAR

AZƏRTAC ANSA agentlityinə istinadla xəbər verir ki, İtaliya Hökuməti futbol azarkeşlərinin təhlükəsizlik normalarına tam uyğun olmayan stadionlara buraxılmaması barədə qərar qəbul etmişdir.

İtaliya mətbuatının məlumatına görə, müəyyən edilmiş tələblərə ölkənin yalnız doqquz stadionu cavab verir. Beləliklə, İtaliya çempionatı görüşlərinin əksəriyyəti boş stadionlarda keçiriləcəkdir.

Belə tədbirlərin görülməsinə səbəb fevralın 2-də Siciliyanın Kataniya şəhərində futbol divanələrinin iştirakı ilə baş vermiş hadisə səbəb olmuşdur. “Kataniya” və “Palermo” klubları azarkeşlərinin törətdikləri kütləvi dava-dalaş nəticəsində bir polis nəfəri həlak olmuş, daha 150-dək adam yaralanmışdır.

İtaliyanın Baş naziri Romano Prodi bu hadisəni “futbolun cılızlaşması” adlandırmışdır.