İQTİSADİYYAT


İcbari Sığorta Bürosunun əməkdaşları “Əsgərə məktub” layihəsinə qoşulublar

Bakı, 30 oktyabr, AZƏRTAC

İcbari Sığorta Bürosunun (İSB) rəhbərliyi və qurumun əməkdaşları “ASAN Könüllüləri” təşkilatının “Əsgərə məktub” layihəsinə qoşulub.

İSB-dən AZƏRTAC-a bildirilir ki, İcbari Sığorta Bürosunun əməkdaşlarının əsgərlərə ünvanladığı məktublarda Azərbaycan Silahlı Qüvvələrinin Qarabağın azadlığı uğrunda apardığı döyüşlərdən qürur hissi ilə bəhs edilib. Məktubda mənfur düşmənə qarşı göstərdikləri rəşadətli mübarizəyə görə Azərbaycan əsgərinə minnətdarlıq ifadə olunub. Şanlı və müzəffər Azərbaycan əsgərinə məktublar “Qarabağın ən böyük sığortaçısı Azərbaycan əsgəridir!” devizi ilə yazılıb.

Xatırladaq ki, “ASAN Könüllüləri” təşkilatının “Əsgərə Məktub” layihəsi çərçivəsində xalqımızın birliyini simvolizə edən bütün məktublar cəbhə bölgəsində döyüşən əsgərlərimizə çatdırılır. İnanırıq ki, bu təşəbbüslər ölkəmizin qazanacağı böyük qələbəyə kiçik töhfə olacaq.

Qələbə bizimdir! Qarabağ Azərbaycandır!

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.