MƏDƏNİYYƏT


İçərişəhər ərazisində və Qala qoruğunda muzeylərdə “Açıq qapı” günü elan olunur

Bakı, 18 may, AZƏRTAC

Hər il mayın 18-i dünyada Beynəlxalq Muzeylər Günü kimi qeyd olunur. Bu gün 1977-ci ildə Beynəlxalq Muzeylər Şurasının (İCOM) 11-ci konfransında təsis edilib.

Muzeylərin cəmiyyətin həyatında mühüm rol oynadığını göstərmək, xalqlar arasında mədəni mübadilə və əməkdaşlığın inkişafına kömək etmək məqsədilə təsis olunmuş əlamətdar gün ICOM-un təşəbbüsü ilə hər il müəyyən deviz altında qeyd edilir. Bu il Beynəlxalq Muzeylər Günü “Muzeylərin gücü” devizi altında keçirilir.

AZƏRTAC xəbər verir ki, bu əlamətdar gün münasibətilə ölkəmizdə eləcə də “İçərişəhər” Dövlət Tarix-Memarlıq Qoruğu İdarəsi tərəfindən silsilə tədbirlər həyata keçirilir.

Belə ki, İdarə Beynəlxalq Muzeylər Günü münasibətilə bütün dünyada olduğu kimi İçərişəhər ərazisində və Qala qoruğunda muzeylərdə “Açıq qapı” günü elan edir. Hər kəs Qız qalasını, Şirvanşahlar Sarayı Kompleksini, Tahir Salahovun ev-muzeyini, Maqsud İbrahimbəyov Yaradıcılıq Mərkəzini, Yeraltı Hamamı, Bakı Fotoqrafiya Evini, habelə Qala Qoruğunda yerləşən Əntiq Əşyalar Muzeyini, Arxeoloji və Etnoqrafik Muzey Kompleksini və Qala Qəsrini ziyarət edə biləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.