ELM VƏ TƏHSİL


“İcma əsaslı məktəbəqədər təhsil” layihəsi çərçivəsində 341 tərbiyəçi-müəllim təlimlərə cəlb olunub

Bakı, 22 noyabr, AZƏRTAC

Təhsil İnstitutu tərəfindən icra olunan “İcma əsaslı məktəbəqədər təhsil” layihəsi çərçivəsində 50 rayon və şəhərdən 341 tərbiyəçi-müəllim noyabrın 10-dan Bakıda təlimlərə cəlb olunub.

İnstitutdan AZƏRTAC-a bildirilib ki, təlimlər həftəiçi 4 gün, hər bir qrupda 25 iştirakçı olmaqla gündəlik 2 qrup üzrə keçirilir.

Noyabrın 30-dək davam edəcək təlimlərin məqsədi 2021/2022-ci tədris ilində qruplarda çalışacaq yeni tərbiyəçi-müəllimlərin peşəkar inkişafını təmin etməkdir. Təlimlərdə tərbiyəçi-müəllimlər ilkin tibbi yardım, oxu vərdişləri, davranış pozğunluğu olan uşaqlarla iş, valideynlərlə iş, qiymətləndirmə, inklüziv təhsil, praktik oyunlar kimi müxtəlif mövzularda bilik və bacarıqlarını inkişaf etdirirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.