ELM VƏ TƏHSİL


İdarəetmə Sistemləri İnstitutunun əməkdaşı beynəlxalq konfransda məruzə edib

Bakı, 4 iyun, AZƏRTAC

İdarəetmə Sistemləri İnstitutunun laboratoriya müdiri, AMEA-nın müxbir üzvü Ağası Məlikov Ukraynanın Kiyev şəhərində keçirilən V beynəlxalq “Müasir stoxastika: nəzəriyyə və tətbiqlər” (MSTA-V-2021) mövzusunda onlayn konfransda iştirak edib.

İnstitutdan AZƏRTAC-a bildirilib ki, azərbaycanlı alim tədbirdə “Əks əlaqəli kütləvi xidmət sistemlərinin tədqiqinə ədədi yanaşmalar” mövzusunda məruzə ilə çıxış edib.

Qeyd edək ki, sözügedən konfransın məqsədi ehtimal nəzəriyyəsi və onunla əlaqəli sahələrdən olan milli və beynəlxalq tədqiqatçıları bir yerə toplamaqdır. Tədbir riyazi statistika, təsadüfi proseslər və sahələr nəzəriyyəsi, kəsirli və çoxkəsirli proseslər, fraktal analiz, stoxastik analiz, informasiya təhlükəsizliyi, kütləvi xidmət nəzəriyyəsi, risk prosesləri və digər aidiyyəti istiqamətlərdə müzakirələr aparmağa şərait yaradır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.