ELM VƏ TƏHSİL


İdarəetmə Sistemləri İnstitutunun əməkdaşı beynəlxalq konfransın proqram komitəsinə üzv təyin olunub

Bakı, 16 fevral, AZƏRTAC

İdarəetmə Sistemləri İnstitutunun (İSİ) laboratoriya rəhbəri, riyaziyyat elmləri doktoru, professor Kamil Mənsimov Belarus Dövlət Universitetinin və Belarus Milli Elmlər Akademiyasının Riyaziyyat İnstitutunun təşkilatçılığı ilə oktyabrın 5-dən 10-dək Minskdə keçiriləcək “Dinamik sistemlər: dayanıqlılıq, idarəetmə, optimallaşdırma” (DSSCO-21) beynəlxalq elmi konfransın proqram komitəsinə üzv təyin olunub.

İdarəetmə Sistemləri İnstitutundan AZƏRTAC-a bildirilib ki, konfrans optimallaşdırma və optimal idarəetmə sahəsində dünyada tanınmış alim, Belarusun Əməkdar elm xadimi, fizika-riyaziyyat elmləri doktoru, professor Rafael Qabasovun xatirəsinə həsr olunur. Konfransda İSİ-nin aparıcı elmi işçisi, dosent Rəşad Məstəliyev məruzə edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.