ELM VƏ TƏHSİL


İdeyalarını reallaşdırmaq istəyənlər üçün fürsət: “EduHack” hakatonu

Bakı, 13 iyul, AZƏRTAC

Azərbaycan Dövlət İqtisad Universiteti (UNEC), INNOLAND İnkubasiya və Akselerasiya Mərkəzi və SUP.VC şirkətinin birgə təşkilatçılığı ilə “EduHack” hakatonu keçiriləcək.

UNEC–dən AZƏRTAC-a bildirilib ki, budəfəki hədəf universitet tələbələri, məzunlar, eləcə də təhsil sahəsində çalışanlar olacaq. Yarışmada innovativ düşüncəli, təşəbbüskar, komanda ilə işləməyi bacaran, inkişafa meyilli gənclər iştirak edə bilərlər.

Hakatonda innovativ yollardan istifadə edərək distant təhsildəki çatışmazlıqların aradan qaldırılması üçün iştirakçılar 3 gün ərzində (iyulun 31-dən avqustun 2-dək) öz təşəbbüsləri üzərində işləyəcəklər. Bu müddət ərzində təhsil və innovasiya sektorundan olan mentorların dəstəyi ilə ideyalarını layihə şəklinə gətirəcəklər.

Mükafat fondu 6000 manat təşkil edir. Birinci yerə 3000 manat, ikinci yerə 2000 manat, üçüncü yerə 1000 manat veriləcək.

Distant təhsildə yaranan problemlərin aradan qaldırılması məqsədilə hər bir gənc öz ideyalarını reallaşdıra bilər.

Qeydiyyat iyulun 29-dək davam edəcək.

Qeydiyyat üçün https://www.facebook.com/events/1139001009789487/linkindən istifadə etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.