İDMAN


İdmana cəlb olunmuş qazilərimiz Ufada təlim-məşq toplanışında iştirak edəcəklər

Bakı, 3 dekabr, AZƏRTAC

Azərbaycan Milli Paralimpiya Komitəsinin (AMPK) prezidenti İlqar Rəhimov qış idman növləri üzrə yarışlarda iştirak edəcək qazilərimizlə görüşüb.

AMPK-dan AZƏRTAC-a bildiriblər ki, görüşdə komitənin baş katibi Kamal Məmmədov, “Tokio-2020” XVI Yay Paralimpiya Oyunlarının qalibi Elvin Astanov, idman şöbəsinin müdiri Rauf Mürsəlov və qış idman növləri üzrə kurator Azər Tapdıqov da iştirak ediblər.

İ.Rəhimov deyib ki, digər qazilərimizin də idmana cəlb edilməsi üçün Qarabağ qaziləri ilə iş və idman seleksiya komissiyası yaradılıb. O, qazilərimizin üçrəngli bayrağımızı döyüş meydanında ucaltdıqları kimi, beynəlxalq arenalarda da dalğalandıracaqlarına əminliyini bildirib.

Qazilərimiz dekabrın 3-17-də Rusiyanın Ufa şəhərində keçiriləcək təlim-məşq toplanışında iştirak edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.