İDMAN


İdmançılarımız əlil arabasında qılıncoynatma üzrə dünya kubokunda yarışacaqlar

Bakı, 1 noyabr, AZƏRTAC

Noyabrın 1-də Milli Paralimpiya Komitəsinin prezidenti İlqar Rəhimovun rəhbərliyi ilə əlil arabasında qılıncoynatma idman növü üzrə millimizin baş məşqçisi və idmançıların iştirakı ilə iclas keçirilib.

Komitədən AZƏRTAC-a bildiriblər ki, iclasda əlil arabasında qılıncoynatma idman növü üzrə milli komandamızın baş məşqçisi, Azərbaycan Əlil Arabasında Qılıncoynatma Federasiyasının prezidenti Asəf Məlikov noyabrın 8-11-də Tbilisidə keçiriləcək dünya kuboku yarışlarına və 2020-ci ildə Yaponiyanın paytaxtı Tokioda təşkil olunacaq XVI Yay Paralimpiya Oyunlarına hazırlıqla əlaqədar məlumat verib.

Sonra şəxsi məşqçilər və idmançıların məlumatları dinlənilib, görülmüş işlər və qarşıda duran vəzifələr müzakirə edilib.

Müzakirələrin yekunu olaraq müvafiq qərarlar qəbul olunub.

Qeyd edək ki, idmançılarımız noyabrın 8-11-də Tbilisidə keçiriləcək dünya kuboku yarışlarında Azərbaycan Əlil Arabasında Qılıncoynatma Federasiyasının dəstəyi ilə çıxış edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.