DÜNYA


“İen” qasırğası Florida ştatında 2 milyondan çox insanı işıqsız qoyub

Bakı, 29 sentyabr, AZƏRTAC

“İen” qasırğası nəticəsində Florida ştatının 2 milyondan çox sakini elektriksiz qalıb.

AZƏRTAC ABŞ mediasına istinadla xəbər verir ki, sentyabrın 28-i axşam saatlarında Florida ştatında 2 milyon 8 min 150 istehlakçının elektrik enerjisi kəsilib.

Ştatın qubernatoru Ron Desantis təbii fəlakətlə əlaqədar Milli Qvardiyanın 5 minə yaxın əsgərinin Floridaya gətirildiyini və elektrik təminatında yaranan problemlərin aradan qaldırılması üçün 30 min mütəxəssisin cəlb edildiyini bildirib.

Sentyabrın 27-də axşam saatlarında Kubanın bütün ərazisinin işıqsız qalmasına səbəb olan “İen” qasırğası növbəti gün Florida ştatının cənub-qərb sahillərinə çatıb. Qasırğa hazırda saniyədə təxminən 3,6 metr sürətlə şimal-şərq istiqamətində hərəkət edir. Beş ballıq Saffir-Simpson şkalası üzrə üçüncü kateqoriyaya qədər zəifləyən qasırğanın daxilində küləyin sürəti saniyədə 51 metrə çatır. Meteoroloqların proqnozlarına görə, "İen" qasırğası sentyabrın 29-u axşam və ya sentyabrın 30-u səhər saatlarında Florida ştatını tərk edəcək.

Sentyabrın 24-də ABŞ prezidenti Cozef Bayden yaxınlaşan “İen” tropik qasırğası ilə əlaqədar bölgədə fövqəladə vəziyyət rejimi elan edib və yerli hakimiyyət orqanlarına federal yardım göstərilməsini tapşırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.