CƏMİYYƏT


İki kiloqramdan çox narkotik vasitəni satan şəxs cinayət başında yaxalanıb

Bakı, 26 dekabr, AZƏRTAC

Narkotik vasitə satan şəxs polis əməkdaşlarının keçirdikləri əməliyyat tədbirləri nəticəsində saxlanılıb.

Daxili İşlər Nazirliyinin mətbuat xidmətindən AZƏRTAC-a bildiriblər ki, Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının daxil olmuş məlumat əsasında Ağcabədi rayonunda keçirdikləri əməliyyat tədbirləri nəticəsində Hindarx qəsəbə sakini Elman Səmədov çəkisi iki kiloqramdan çox narkotik vasitə olan marixuananı satarkən cinayət başında yaxalanıb.

Əməliyyat-axtarış tədbirləri ilə Sumqayıt Şəhər Polis İdarəsinin 3-cü polis bölməsinin əməkdaşları şəhər sakini Zaur Əlizadədən 430 qram, 4-cü polis bölməsinin əməkdaşları isə şəhər sakini, əvvəllər məhkum olunmuş Elnur Əsgərovdan 325 qram marixuana götürüblər.

Faktlarla bağlı araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.