İDMAN


İkinci Avtoidman Oyunları 2022-ci ilə təxirə salınıb

İkinci Avtoidman Oyunları 2022-ci ilə təxirə salınıb

Bakı, 7 avqust, AZƏRTAC

Bu ilin oktyabrında Fransada keçirilməsi nəzərdə tutulan ikinci Avtoidman Oyunları bir il sonraya təxirə salınıb.

AZƏRTAC xəbər verir ki, bu barədə Beynəlxalq Avtomobil Federasiyası qərar qəbul edib.

Oyunlar 2020-ci il oktyabrın 23-dən 25-dək Marsel şəhərindəki Pol-Rikar trasında keçirilməli idi. Lakin həmin vaxt yarış koronavirus pandemiyasına görə bir il sonraya təxirə salınmışdı. Qərar dünyada mövcud məhdudiyyətlər səbəbindən qəbul olunub.

Oyunlarda GT, turinq, Formula 4, drift, kartinqin slalom növü və virtual yürüş üzrə yarışlar təşkil olunacaq.

İlk Avtoidman Oyunlarına 2019-cu ilin noyabrında İtaliya ev sahibliyi edib. Romanın yaxınlığındakı Vallelunqa trasında baş tutan yarışlarda Rusiya komanda hesabında birinci olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.