ELM VƏ TƏHSİL


İlahiyyat İnstitutunda İctimai Nəzarət Şurasının üzvləri imtahan prosesini izləyiblər

Bakı, 17 yanvar, AZƏRTA

Azərbaycan İlahiyyat İnstitutunda (Aİİ) bu ali məktəbin rəhbərliyi yanında İctimai Nəzarət Şurasının üzvləri imtahan prosesini izləyiblər.

Bu barədə AZƏRTAC-a institutdan məlumat verilib.

İctimai Nəzarət Şurasının üzvləri tələbələrin imtahanlara hazırlıqları, sualların tərtibatı, imtahan prosesi barədə fikirlərini bölüşüblər. Qeyd olunub ki, 2022-2023-cü tədris ilinin payız semestrinin qış imtahan sessiyası müvafiq qaydalara uyğun təşkil olunub.

İnstitutda sessiyanın şəffaf, normativ sənədlərə uyğun təşkili üçün Operativ Qərargah yaradılıb, imtahanlara nəzarət müəllim-koordinatorlar tərəfindən həyata keçirilir.

Qeyd edək ki, İctimai Nəzarət Şurasının əsas məqsədi Aİİ-nin fəaliyyətinə ictimai nəzarətin həyata keçirilməsi, institut ilə ictimaiyyət arasında səmərəli qarşılıqlı əlaqələrin təşkili, şəffaflığın təmin olunmasından ibarətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.