ELM VƏ TƏHSİL


İlahiyyat İnstitutunda növbəti seminar “Rusiyada İslam: tarix və reallıqlar” mövzusuna həsr olunub

Bakı, 4 oktyabr, AZƏRTAC

Oktyabrın 4-də Azərbaycan İlahiyyat İnstitutu (Aİİ) “Rusiyada İslam: tarix və reallıqlar” mövzusunda seminar keçirib.

Seminarda institutun rəhbər-müəllim heyəti, tələbələr və ictimaiyyət nümayəndələri iştirak ediblər.

İnstitutdan AZƏRTAC-a bildirilib ki, rektor Ceyhun Məmmədov Azərbaycanda əsası ümummilli lider Heydər Əliyev tərəfindən qoyulan dövlət-din siyasətindən danışıb, bu siyasətin hazırda Prezident İlham Əliyev və Birinci vitse-prezident Mehriban Əliyeva tərəfindən uğurla davam etdirildiyini bildirib. Aİİ-nin məqsəd və hədəflərini nəzərə çatdıran rektor institutun fəaliyyətində beynəlxalq əlaqələrə xüsusi önəm verildiyini vurğulayıb. Bu baxımdan institutun Rusiya universitetləri ilə əməkdaşlığa hazır olduğu bildirilib.

Sonra Perm Vilayəti Müsəlman Ruhani İdarəsinin nümayəndəsi, Rusiya Federasiyası Jurnalistlər Birliyinin üzvü, “İskrennost” jurnalının baş redaktoru Səfa Kərimovun "Rusiyada İslam: tarix və reallıqlar" mövzusunda məruzəsi dinlənilib. Rusiyada İslam dininin yayılma tarixi, mövcud durumu barədə ümumi məlumat verən S.Kərimov hazırda Rusiyada, rəsmi 20, qeyri-rəsmi isə 40 milyondan çox müsəlmanın yaşadığını və bu göstəricinin ölkə əhalisinin 30 faizdən çoxunu təşkil etdiyini deyib. Sosialist inqilabından əvvəl Rusiyanın müsəlman ilahiyyatçılarının dünyanın hər tərəfində çox böyük hörmətə sahib olduğunu qeyd edən S.Kərimov Sovet İttifaqı dövründə bu ənənənin itdiyini vurğulayıb.

Məruzədə İslamın Rusiya mədəniyyətinin əhəmiyyətli bir parçası və müsəlman cəmiyyətinin ölkənin çoxmillətli əhalisinin vacib tərkib hissəsi olduğu nəzərə çatdırılıb. Rusiyada İslamın mövcud durumuna toxunan məruzəçi müasir dünyada terrorizmi və insana qarşı nifrətin istənilən formasını rədd edən İslamın mahiyyətini cəmiyyətə düzgün çatdırmağın çox önəmli olduğunu vurğulayıb. S.Kərimov bildirib ki, müsəlmanlar yüksək savada malik, tolerant, mədəni insanlar kimi tanınmalı, öz həyat və fəaliyyətləri ilə İslamın əsl mahiyyətini nümayiş etdirməlidirlər. Qeyd edilib ki, Rusiya cəmiyyətində İslamın sülhsevər və tolerant mahiyyətinin təbliği, millətlərarası və dinlərarası sülhün və əmin-amanlığın möhkəmləndirilməsi üçün mümkün olan bütün addımlar atılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.