ELM VƏ TƏHSİL


İlahiyyat İnstitutunun tələbələri asudə vaxtlarını səmərəli keçirirlər

Bakı, 16 mart, AZƏRTAC

Azərbaycan İlahiyyat İnstitutu (Aİİ) tələbələrin özünüifadə bacarığının, polemika qabiliyyətinin və tənqidi təfəkkürünün formalaşmasına xüsusi önəm verir. İnstitut tələbələrin asudə vaxtlarının səmərəli təşkili üçün müxtəlif tədbirlər keçirir. Bu məqsədlə Aİİ-də sosialyönümlü, maarifləndirici və tərbiyəvi tədbirlərlə yanaşı, əyləncəli proqramlar təşkil edilir.

İnstitutdan AZƏRTAC-a bildirilib ki, müəssisə tələbələrin asudə vaxtının səmərəli təşkili istiqamətində müxtəlif tədbirlər silsiləsini davam etdirir. Bu məqsədlə həftənin şənbə günü ali təhsil müəssisəsi tələbələr üçün türkiyəli fərdi inkişaf mütəxəssisi Əhməd Şərif İzgörənin “Ovcumuzdakı kəpənək” mövzusunda çıxışını nümayiş etdirib.

Mövzu ətrafında müzakirələr aparılıb. İnsanın fərdi inkişafı üçün atmalı olduğu addımlarla bağlı tövsiyələr verilib.

Xatırladaq ki, Aİİ-də təşkil edilən tədbirlərin məqsədi tələbələrin dünyagörüşünün formalaşdırılmasına, intellektual səviyyəsinin yüksəldilməsinə, vətənpərvərlik hisslərinin gücləndirilməsinə, onlarda mütaliə, sosial məsuliyyət vərdişlərinin aşılanmasına töhfə verməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.