İlene Kohn: Azərbaycan hökuməti və ANAMA minaların təmizlənməsi istiqamətində əhəmiyyətli işlər görüb

Bakı, 26 may, AZƏRTAC

Azərbaycan minalarla ən çox çirklənmiş ölkələr sırasındadır.

AZƏRTAC xəbər verir ki, bunu Bakıda keçirilən "Minalarla mübarizə - Dayanıqlı İnkişaf Məqsədlərinə gedən yol” mövzusunda beynəlxalq konfrans iştirakçılarına videomüraciətində Birləşmiş Millətlər Təşkilatının Minalardan Təmizləmə Xidmətinin (UNMAS) direktoru İlene Kohn deyib.

O vurğulayıb ki, BMT ölkələrin minalardan təmizlənməsinə yardım etməyə, minaların yayılmasının qarşısının alınmasını təşviq etməyə davam edəcək.

“Azərbaycan hökuməti, ANAMA minaların təmizlənməsi istiqamətində əhəmiyyətli işlər görüb. ANAMA həm də digər ölkələrlə təcrübəsini bölüşür ki, bu da vacibdir”, - deyə İlene Kohn diqqətə çatdırıb.