İQTİSADİYYAT


İlk Azərbaycan Gənclər İnternet İdarəçilik Forumu təşkil olunacaq

Bakı, 14 may, Pərvanə Rəhimova, AZƏRTAC

Mayın 31-dən iyunun 3-dək ölkəmizdə ilk Azərbaycan Gənclər İnternet İdarəçilik Forumu keçiriləcək.

AZƏRTAC xəbər verir ki, bu barədə mayın 14-də keçirilən mətbuat konfransında Yüksək Texnologiyalar Parkının direktoru Tural Kərimli deyib.

Onun sözlərinə görə, forum Nəqliyyat, Rabitə və Yüksək Texnologiyalar Nazirliyi, Azərbaycan Gənclər Fondu və Birləşmiş Millətlər Təşkilatının İnkişaf Proqramının (BMTİP) təşkilatçılığı ilə “İnnovasiya Festivalı” çərçivəsində baş tutacaq. Məqsəd Azərbaycan və region ölkələrindən olan gəncləri bir araya toplayaraq rəqəmli sahə üzrə inkişaf tendensiyalarının müzakirə və şərh edilməsidir. Üçgünlük foruma müxtəlif ölkələrdən, əsasən 17-29 yaşarası gənclər qatılacaq.

Forumda “İnternet idarəçiliyinin əsas prinsipləri”, “Gənclərin fikirlərinin formalaşmasında sosial medianın rolu” və “Gənclər üçün internetin biznes imkanları - ideyaların gerçəkləşməsi” adlı seminarların keçirilməsi nəzərdə tutulur. Eyni zamanda, “Gənclərin davamlı inkişafı üçün internet idarəçiliyi nə qədər vacibdir?”, “Qlobal, yoxsa spesifik internet - gənclərin fərqli dəyərlərə münasibəti”, “İnterneti uşaqlar və gənclər üçün necə təhlükəsiz etmək olar?” və digər mövzular üzrə müzakirələr aparılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.