İDMAN


İlk dəfə güləş üzrə fərdi dünya kuboku yarışları təşkil olunacaq

Bakı, 12 noyabr, AZƏRTAC

Dünya Güləş Birliyinin (UWW) İcraiyyə Komitəsinin növbəti iclası keçirilib.

AZƏRTAC xəbər verir ki, onlayn formatda təşkil olunan tədbirdə ali qurumun Büro Üzvlərinin əsas müzakirə mövzusu dekabrda keçirilməsi nəzərdə tutulan dünya çempionatı olub.

UWW-nin Büro üzvü, Azərbaycan Güləş Federasiyasının prezident əvəzi Namiq Əliyevin də iştirak etdiyi iclasın yekununda mundialın təşkilinin mümkünsüz olduğu qənaətinə gəlinib. Buna səbəb dünya çempionatı üçün tələb 70 faiz iştirakçı limitinin dolmamasıdır. Koronavirus pandemiyası ilə əlaqədar olaraq, bəzi ölkələr dekabrın 12-dən 20-dək Serbiyanın paytaxtı Belqradda keçirilməsi planlaşdırılan dünya çempionatında iştirak etməyəcəyini bildirib. Bu üzdən İcraiyyə Komitəsi qərara alıb ki, həmin tarixdə yarışda iştirak etmək üçün müraciət edən ölkələrin komandalarının iştirakı ilə fərdi dünya kuboku yarışları keçirilsin. Belə ki, güləşin hər üç növü üzrə 10 çəkidə qaliblər kubokla təltif olunacaq.

Qeyd edək ki, bu, güləş tarixində ilk belə yarış olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.