İDMAN


“Imagine Dragons” rok qrupu UEFA Çempionlar Liqasının final oyununun açılışında çıxış edəcək

Bakı, 9 may, Nicat Məmmədov, AZƏRTAC

Amerikanın “Imagine Dragons” rok qrupu UEFA Çempionlar Liqasının final oyununun açılış mərasimində çıxış edəcək.

AZƏRTAC xəbər verir ki, bu barədə UEFA məlumat yayıb.

“Qitənin ən nüfuzlu klub turnirinin açılış mərasimində iştirak etmək bizim üçün çox qürurvericidir. Bir futbol azarkeşi kimi deyə bilərəm ki, bu, bizim üçün böyük şərəfdir. Ümidvaram ki, Madriddə böyük bir şou olacaq”, - deyə qrupun solistı Den Reynold bildirib.

Qeyd edək ki, UEFA Çempionlar Liqasının final matçı iyunun 1-də “Atletiko Madrid” klubunun ev oyunlarını keçirdiyi “Metropolitano” stadionunda oynanılacaq. Həmin görüşdə iki ingilis klubu - “Liverpul” və “Tottenhem” üz-üzə gələcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.