REGİONLAR


İmişlidə tibb işçiləri COVID-19-a qarşı peyvəndləməyə cəlb edilib VİDEO

İmişli, 21 yanvar, Aydın Yavərzadə, AZƏRTAC

İmişlidə COVID-19 infeksiyasına qarşı peyvəndləmə kampaniyasına start verilib. İlkin mərhələdə xəstəxananın tibb heyəti vaksinasiya cəlb olunub.

AZƏRTAC xəbər verir ki, İmişli Rayon Mərkəzi Xəstəxanasında peyvəndləmə işləri üçün lazımi şərait yaradılıb. Vaksinasiya işlərini yerinə yetirmək üçün 40 nəfərlik heyət təşkil olunub.

Mərkəzi xəstəxananın baş həkimi Elnur Qasımovun sözlərinə görə, xəstəxanada peyvənd, təcili yardım və post vaksinasiya otaqları ayrılıb. Vaksinlərin daşınması üçün TƏBİB-in təlimatlarına uyğun zəruri şərait yaradılıb. Peyvənd olunan şəxs 30 dəqiqə ərzində post vaksinasiya otağında qaldıqdan sonra evə buraxılır. Ümumiyyətlə, Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq vaksinasiyanın birinci mərhələsində səhiyyə işçiləri, 65 yaşdan yuxarı şəxslər və hüquq-mühafizə orqanları tərəfindən əks-epidemik tədbirlərə cəlb olunan heyət peyvəndlənəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.