REGİONLAR


İmişlidə ulu öndər Heydər Əliyevin xatirəsi ehtiramla yad edilib

İmişli, 10 may, Aydın Yavərzadə, AZƏRTAC

İmişli rayonunda ulu öndər Heydər Əliyevin anadan olmasının 99-cu ildönümü ilə əlaqədar “Sən elə bir zirvəsən” adlı ümumrayon tədbiri keçirilib.

AZƏRTAC-ın bölgə müxbiri xəbər verir ki, toplantıda rayon icra hakimiyyətinin, idarə və müəssisələrin rəhbərləri, hüquq-mühafizə orqanı əməkdaşları, rayon ziyalıları, ictimaiyyət nümayəndələri iştirak ediblər.

Öncə ulu öndər Heydər Əliyevin abidəsi ziyarət olunub, önünə gül dəstələri düzülüb. Daha sonra Mədəniyyət Mərkəzində açılan sərgiyə baxış keçirilib. Anım günü Mərkəzdə baş tutan tədbirlə davam edib. Azərbaycanın Dövlət Himni səsləndirilib və tədbir açıq elan olunub. Tədbirdə ümummilli lider Heydər Əliyevin tarixi xidmətlərindən söhbət açılıb. Çıxışçılar unudulmaz şəxsiyyət Heydər Əliyevin rəhbərliyi ilə müstəqil Azərbaycanın çətin sınaqlardan şərəflə keçdiyini qeyd ediblər. Bildirilib ki, ölkəmizdə müstəqilliyimizin qorunub saxlanılması və beynəlxalq aləmdə nüfuz əldə etməsi, həmçinin mötəbər beynəlxalq təşkilatlara üzv olmasının təməlində Ulu Öndərin uzaqgörən siyasəti dayanır. Diqqətə çatdırılıb ki, Ümummilli Lider insanların həyat yoluna işıq saçan təfəkkür və mənəviyyat sahibi olmaqla qəlblərdə daim yaşayacaq. Ulu öndər Heydər Əliyevin böyük dövlətçilik istedadına və zəngin təcrübəyə malik olan, böyük xilaskarlıq, sabitlik və inkişaf missiyasını həyata keçirən qüdrətli şəxsiyyət, Azərbaycanda dövlət müstəqilliyinin banisi olduğu bir daha vurğulanıb.

Bildirilib ki, müstəqil Azərbaycanın inkişafında ümummilli lider Heydər Əliyevin siyasi kursu hər zaman davam etdirilir. Bu konsepsiya hazırda Ulu Öndərin layiqli davamçısı Prezident İlham Əliyev tərəfindən uğurla aparılır və ölkəmizin mövcud iqtisadi inkişafı, regionda lider dövlətə çevrilməsi buna bariz nümunədir. Tədbir musiqili konsert proqramı ilə davam edib. İmişli mədəniyyət mərkəzinin heyəti tərəfindən musiqilər səsləndirilib və rəqs nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.