DÜNYA


İmmiqrantlar inteqrasiya kursu keçmək üçün bir ildən çox gözləməli olurlar

Brüssel, 18 mart, AZƏRTAC 

Avropa İttifaqına daxil olmayan ölkələrdən olan immiqrantlar inteqrasiya və sosial oriyentasiya üzrə məcburi kurs keçmək üçün bir ildən çox gözləməyə məcburdurlar. AZƏRTAC Belçika KİV-lərinə istinadla xəbər verir ki, indi onların sayı 1600 nəfərə çatıb.

Həmin kurs Belçikaya yenicə gələnlərin bu ölkədəki hüquq və öhdəlikləri ilə tanış olmaları üçün nəzərdə tutulub.

Flandriya parlamentinin Sosialist Partiyasından olan deputatı, türk əsilli Yasmin Qalançi bildirib ki, immiqrantlar bu kursu öz ana dillərində - ərəb, ingilis, türk və ya rus dillərində keçə bilərlər.

Deputat inteqrasiya naziri, Belçika Millətçi Partiyasının nümayəndəsi Homansı yalan səbəblərlə vəziyyətə bəraət qazandırmaqda ittiham edib. Yasmin Qalançi hesab edir ki, nazirliyin immiqrantların inteqrasiya proqramına yetərincə diqqət yetirməməsi və investisiya yatırmaması yaranmış vəziyyətin əsl səbəbidir.

Vüqar Seyidov

AZƏRTAC-ın xüsusi müxbiri

Brüssel

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.