DÜNYA


İndoneziya COVID-19-a qarşı “Bio Farma” şirkətinin hazırladığı peyvənddən istifadə edəcək

Tokio, 16 fevral, AZƏRTAC

İndoneziya Sanitar və Qida Məhsullarının Keyfiyyətinə Nəzarət İdarəsi (BPOM) COVID-19-a qarşı Çinin “Sinovac” farmasevtik şirkəti tərəfindən təqdim edilən xammal əsasında “Bio Farma” şirkətinin istehsal etdiyi peyvəndin istifadəsinə icazə verib.

AZƏRTAC ANTARA agentliyinə istinadla xəbər verir ki, bu barədə BPOM-un rəhbəri Penni Lukito Cakartada təşkil edilən onlayn mətbuat konfransı zamanı məlumat verib.

Penni Lukito bildirib ki, “Sinovac” şirkəti peyvəndin istehsalı üçün lazım olan yarımfabrikatları və texnologiyanı “Bio Farma” şirkətinə təqdim edib. Daxil olan xammaldan istifadə edən “Bio Farma” şirkəti peyvəndi hazırlayıb.

Bununla yanaşı, BPOM rəhbəri qeyd edib ki, “Bio Farma” şirkətinin hazırladığı peyvənd səmərəlilik və təhlükəsizliklə bağlı sınaqdan keçiriləcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.